Aindí An Ghé Ainniseach

Foclóir

ainniseach = miserable/wretched

clós = yard

ag spaisteoireacht = strolling

iall madra = dog lead

ag lapadán= waddling

ag bacadaíl = limping

teach na ngealt = lunatic asylum

áiféala = regret

cothrom na Féinne = fair dues

sionnach = fox

fleasc a droma = flat of her back

port seinnte = goose cooked

éadóchas = despair

Aindí an ghé ainniseach

3:00

lapaí gé = goose feet

Nuair a tháinig mé amach ar maidin sa chlós feirme seo 'gainne baineadh geit asam. Ós mo chomhair amach bhí Daideo ag spaisteoireacht timpeall an chlóis le gé ar iall madra aige.

Níos aistí fós, bhí an ghé chéanna ag caitheamh buataisí beaga is é ag bacadaíl ar an iall.

Ar dtúis cheap mé go raibh an fear bocht ag sleamhnú i dtreo teach na ngealt.

'A Dhaideo,' - bhí mé cinnte go mbeadh áiféala orm an cheist seo a chur-, 'cad tá ar siúl agat leis an ngé sin?'

Cothrom na Féinne dó, níor theip sé orm!

'Bhuel, a Sheáin, seo Aindí. Thug an sionnach damánta úd fogha faoi Aindi agus bhain sé a dhá throigh uaithi. Níl ar a cumas siúl ar a stumpaí. Bhí sí ar fhleasc a droma, a stumpaí san aer aici nuair a tháinig mé amach ar maidin. Cheap mé go raibh a port seinnte. Bhí orm rud éigin a dhéanamh chun cuidithe leis an ainniseor bocht.

I dtosach báire bhain mé triall as do skateboard ach ní raibh Aindí ábalta seasamh air. Thit sí síos arís is arís eile. D'amharc mé ina súile agus chonaic mé an

t-éadóchas ann. Neartaigh an t-amharc sin mo rún.

Ansin, rith sé liom, Eureka moment mar a deirtear, go raibh péire buataisí beaga sa teach. Bhain mé úsáid as gaffa tape chun na buataisí beaga a ghreamú lena stumpaí. Anois tá mé á thraenáil chun lapadáin. Tá sí ag bacadaíl anois ach sar i bhfad beidh sí ag lapadán mar ghnáthghé.

'A Dhaideo, ar ball nuair is mian le Aindí dul ag snámh an mbeidh tú ag greamú lapaí gé uirthi le gaffa tape agus í a thraenáil chun snámha?'

'Ná bí amaideach, a Sheáin, ní féidir liom snámh.'

Cuir ceist amaideach agus geobhaidh tú freagra amaideach