An Corn Domhanda 3

Cluichí a chonaic mé

AnCorn Domhanda 3

2:28

1. D'fhan mé im' shuí aréir chun an chluiche Alba i gcoinne Morocco a fheiceáil.

Mo léan! Réab Saibari cúl isteach ag tosnú an chluiche - seachtó soicind.

Bhí dhá bhreith conspóideach ag an moltóir Uzbek. De réir saineolaithe áirithe ag féachaint ar an gcluiche sa Studio ba chóir cic píonóis a bheith ag na hAlbanaigh uair amháin ar a laghad - dar le duine amháin atá ina moltóir idirnáisiúnta.

Pé scéal é, throid na hAlbanaigh go cróga.

Nuair a leag Diop Che Adams bhí cárta dearg tuillte aige, ach ní fhuair sé ach cárta buí.

Tá dóchais na n-Albanach beo fós, ach is caolseans é.

Ar aghaidh libh, a Bhuachaillí! Alba go brách!

2. Paraquay i gcoinne na Túirce. Ní fhaca mé a leithéid riamh, ach tá riail nua ann anois faoi chaint le duine i bhfoireann eile agus do bhéal á chlúdú agat le do lámh. Rinne Almiron, Paraquay, é sin is é ag caint le imreoir ón dTúirc. Rinne an t-imreoir céanna gearán agus thug an Moltóir cárta dearg do Almiron.

Bhí an bua ag Paraquay.

'Sé aidhm an riail, cosc a chur le ráiteas hómafóbacha agus ráiteas ciníocha a dhéanamh.

3. Bua eile do na Meiriceánaigh. Dhá chúl i gcoinne na hAstráile. An chéad chúl orthu féin nuair a bhuail Cameron Burgess an liathróid isteach ina líon féin. Lean cúl eile sa chéad leath le buille cinn ag Alex Freeman.

Bua maith.

Foclóir

D'fhan mé im' shui = I stayed up

breith = decision

ar a laghad = at least

leag sé = he knocked down/felled

caolseans = longshot

ar an gcaolseans = on the off-chance

dóchais = hopes

ní fhaca mé a leithéid = I haven't seen the likes

ráiteas hómafóbach = homophobic comment

ráiteas ciníoch = racist comment

cúl orthu féin = own goal

buille cinn = header