Coinneall Nollag

Caib. 1

Foclóir

teitheadh 1

0:00

ag teitheadh = fleeing

amhail is = as if

fothain = shelter

amharc fuafar milteach = hateful, destructive look

feallaire = betrayer

nach leis í = she wasn't his

Bhí Morag ag teitheadh, ag teitheadh amhail is dá raibh a saol ag brath air - bhuel, i bhfírinne, saol a naíonáin, soineanta, nuabhreithe a bhí ina baclainn aici. Mar ainmhí sceimhlithe bhí sí ar thóir fothana ón mbithiúnach brúidiúil, meisciúil a rinne mí-úsáid uafásach uirthi, agus a chuir an naíonán i mbaol - naíonán nach leis í.

Thuig sí an t-amharc millteach, fuafar a thug sé dá páistín bídeach nach raibh ach dhá sheachtain slánaithe aici.

foclóir

Garbhchríoch = the Highlands

D'áitigh sé = he persuaded

buanghrá = eternal love

i gcaidreamh = intimate

ag iompar = pregnant

imithe ar shlí na fírinne = dead

soghonta = vulnerable

 i ngéibheann = captive

bean chabhrach = midwife

Rugadh Morag go hard sa Gharbhchríoch, seacht mbliana déag slánaithe aici. In aois a sé déag bhí buachaill grá aici. D'áitigh sé uirthi géilleadh dó. Dúirt sé go gcruthódh sé go raibh buanghrá aici dó, mar a bhí aige di, agus, i bhfírinne, gan an cruthú céanna is iomaí cailín a bhí ann go mbeadh gliondar orthu bheith i gcaidreamh leis.

Faoi bhrú, chreid sí a scéal, agus ghéill sí do, ach faraor, nuair a thuig sé go raibh sí ag iompar as go brách leis ar thóir oinsigh eile.

Chaith a hathair amach ar an sráid í mar bhí sí ina chúis náire dó i súile na gcomharsan.

Bhi a máthair imithe ar shlí na fírinne le roinnt blianta. Bhí sí ina haonar, torrach agus soghonta.  

Thug sí aghaidh ar an gcathair, mar a rinne iomaí cailín mar í roimpi.

I nGlascú bhí fear ann a gheall cairdeas, fothain agus sábháilteacht di, ach faraor, feallaire eile a bhí ann, agus níos measa, ba dhrochúsáideoir é. Bhí sí i ngéibheann in árasán suarach leis. Bhí rianta a mhí-úsáide soiléir don saol uilig ar a gnúis óg.

Aineolach, gan bhean chabhrach, thosnaigh sí ag saolú. Chuala bean béal dorais í ag screadaíl. Chuidigh an bhean máithriúil léi agus thug cúpla balcaisí di don naíonán agus theaspáin sí di conas a páistín a chur chun cíche.

Nuair a tháinig an maistín abhaile ar meisce rith an bhean béal dorais abhaile.

Foclóir

tar éis saolaithe = after giving birth

instinn = instinct

dodhiúltach = impossible to deny/refuse

D'athosnaigh an mí-úsáid ainneoin nach raibh sí ar fónamh tar éis saolaithe a hiníne.

Bíonn instinn amháin ag gach mathair: 'Ní mór di a naíonán a chosaint thar aon ní eile, fiú thar a saol féin.'

Sin an instinn dodhiúltach a thiomáin Morag nuair a chonaic sí an t-amharc fuafar a thug an maistín don naíonán nach leis í.  Bhí fhios aici go gcaithfidh sí éaló. Ní mór di teitheadh arís.