Leanúnachas 13; Claonbholscaire
Caimiléireacht
Smaointe Fánacha
1.
Bíonn ardchumas i gclaonbholscairí dallmullóg a chur orainn; a áiteamh orainn go bhfuil rud éigin fíor nach bhfuil fíor; go bhfuil an dubh bán is an bán dubh. Is beag aitheantas a thugann sé don fhírinne. Is lúbaire é; Ní fhéadaimis focal uaidh a chreidiúint. Deirtear: má osclaíonn sé a bhéal tá sé ag insint bréag.
'Sé sin módh beatha don bholscaire. Bíonn sé fostaithe chun scéal nó gníomh a fhostóir a lúbadh, go háirithe nuair is drochscéal nó drochghníomh é. Cuireann sé lúb nó claonadh ar an ndrochscéal chun an milleáin a chur ar daoine eile, nó an locht a scaipeadh agus a dhíriú óna fhostóir cam.
Bíonn ar an gclaonbholscaire smacht a choinneáil ar an nuacht, agus a leagan féin a chur i bhfeidhm.
De ghnáth cuirtear an teideal 'preasrúnaí' orthu, nó 'Comhairleoir Speisialta'.
Is baolach an slí bheatha é mar ní thugann an fostóir tacaíocht ar bith dá chlaonbholscaire, dá phreasrúnaí', nuair a 'bhuaileann an cac an gaothrán'.'Sé an t-aon rud atá ar intinn ag an bhfear céanna ná 'an cac a sheachaint'. Don Diabhal leis an 'bpreasrúnaí' nó an 'Comhairleoir Speisialta.
Féach ar an méid preasrúnaithe a chaith Donald Trump 'faoin mBus'.
Sin an fáth a fhostaíonn poiliteoir claonbholscaire. Bíonn sé mar bearna idir é féin agus an cac. Nuair a theipeann sé/sí sa pháirt sin níl sé/sí úsáideach a thuille.
Faraor, uaireanta bíonn an claonbholscaire comh rathúil go maireann an bréag mar an fhírinne.
Athinis an bréag arís is arís eile agus sa deireadh creidfidh daoine an bréag.
2.
Bualadh an bob sin orm le déanaí. Léigh mé an scéal agus chreid mé an scéal faoi Jesse Owens insna Cluichí Óilimpeacha 1936.
De réir an bhréigscéil dhiúltaigh Hitler lámh a chroitheadh le Jesse Owens tar éis a bhua sa léim fhada mar b'fhear gorm é Owens.
Tá fhios ag an Domhan is a mháthair go raibh Hitler i measc na ndaoine b'uafásach dár tharraing anál riamh. Is deacair a shamhlú duine níos measa ná Hitler.
Ní raibh deacracht ar bith a chur ina luí ar dhaoine gur dhein Hitler de réir scéala.
I dtosach báire thug Owens an t-eiteachas do theoiric an Mháistirchine Airianach - ard, fionn, gormshúileach - go beacht mar 'Luz' Long, an Gearmánach a bhí i gcoinne Owens.
I bhfírinne, is scéal maith é ach níl an scéal fíor. Níor dhiúltaigh Hitler lámh a chroitheadh le Owens.
'Sé an fhírinne: níor dhein Hitler comghairdeas le buaiteoir ar bith; ni raibh sé ar shearmanas bronnta ar bith. Roghnaigh sé é sin ón tús. 'Sé an rogha a thug an IOC dó ná: bí ag gach searmanas nó ná bí ar searmanas ar bith. Roghnaigh Hitler an dara cheann.
Nuair a chuireadar an cheist ar Jesse Owens féin dheimhnigh sé nár dhiúlaigh Hitler.
Dúirt sé gurab é an duine a dhiúltaigh aitheantas is comhghairdeas a thabhairt dó ná a Uachtarán féin, Rooseveldt(FDR) - ar eagla go ngoillfeadh sé ar a lucht leanúna insna Stáiteanna sa deisceart.
Cé gur príomhluthchleasaí a thug clú agus cáil dá thír ní raibh sé ceadaithe dó ithe i mbialann le daoine geala; bhí air taisteal sa chúlshuíocháin insna busanna; ní raibh sé ceadaithe an leithreas céanna a úsáid; ní raibh a pháistí ceadaithe dul ar na scoileanna céanna is páistí geala.
B'shin an 'deighilt' idir 'geal' agus 'gorm' a bhí i bhfeidhm insna Stáit Aontaithe go dtí an dara leath den fichiú aois.
Ainneoin é sin uile bhí sé níos éasca bréagscéal a áiteamh ar dhaoine. Bhain sé an béim as iompar uafásach an Uachtaráin. B'shin jab an chlaonbholscaire.
Fuair Owens 'fáilte tickertape' i Nua Eabhrach, ach ní fhuair sé comhgháirdeas ná an gnátheiligream a dtugtar do bhuaiteoirí geala ón dTeach Bán.
Bhí sé i bhfad níos éasca an scéal bréagach a chreidiúint ná an scéal fíor.
D'fhás an cairdeas idir Owens agus Long. Maraíodh Long sa chogadh 1943. Tá scéal ann gur scríobh sé litir chuig Owens ag impí air a mhac, Kai Heinnrich, a aimsiú sa Ghearmáin, tar éis an chogaidh. Níl ann ach scéal.
Bhuail sé le Kai Heinnrich 1951, agus lean an cairdeas a thosnaigh lena athair.
An scéal atá fíor?
An dluthchairdeas, 24 carat, idir Owens agus Long. Dar le Owens, maireann cairdeas i bhfad níos faide ná boinn.
Foclóir
1.
caimiléireacht = crookedness
ardchumas = high ability
bolscaire = propagandist
claonbholscaire = spin doctor
lúbaire = twister
fostaithe = employed
snas = polish
preasrúnaí = Press Secretary
tacaíocht = support/backing
buaileann cac an gaothrán = shit hits fan
bearna = gap
comh rathúil sin = so successful
athinis = repeat
2.
bréag = false
dhiúltaigh = refused
dár tharraing anál riamh = whoever drew breath
cuir ina a luí = persuade
comhghairdeas = congratulations
aitheantas = recognitiongnátheiligream = usual telegram
daoine gheala = white people
níl ann ach scéal = it's only a story
Comments