Leanúnachas 7: Smaointe Fánacha

Leanúnachas 7

Leanúnachas 7 smaointe fánacha

3:02

botún náireach sa teach

 Smaointe Fánacha

Dhúisigh mé Dé hAoine le 'bíp'! Bíp! Bíp! ag baint macalla sa teach. Batairi mo aláram deataigh ag dul in éag.

Tá an aláram suite ar an sileáil, ar an léibheann, barr an staighre.

Chun batairí nua a chur isteach ní mór duit dul suas dréimire beag agus ansan chun an seanbhatairí a thógaint amach ní mór duit claonadh amach thar an staighre.

Bhuel is seanfhear mise, níos mó ná beagánín guagach - go háirithe ar dréimire. Ní smaoineamh maith é sin a dhéanamh.

Cad tá le déanamh?

Beidh mé as mo mheabhair leis an 'Bíp! Bíp! Bíp'.

Tá ógfhear cineálta béaldorais. B'fhéidir go gcuideoidh sé.

Tháinig sé agus chuir sé an batairí nua isteach; Ach, mo léan:'Bíp! Bíp! Bíp!

Thóg sé an aláram síos arís; chuir sé bataraí eile isteach: Scaoil sé an sruth iarmharaigh de réir comhairle ar an ngréasán. Obair in aisce. 'Bíp! Bíp! Bíp!

B'shin an méid ab fhéidir an ógfhear cineálta a dhéanamh.

Gabh mé buíochas leis agus chuir mé glaoch ar an Briogáid Dóiteáin.

Is daoine soghonta sinn araon, mé fhéin is mo bheanchéile.

Tháinig cailín deas chineálta. Chuir sí aonaid nua isteach.

'Bíp! Bíp!' Bíp'!

Sheas sí ag tochas a cinn.

'Fan neomat', ar sise, 'cad é sin ar bharr an chófra úd?'

'Sin an aonaid ocsaid charbóin', arsa mise

'Is é sin an ciontóir! Níl faic na fríde cearr le do aláram deataigh!'

A leithéid de náire! Ba mhian liom an talamh a oscailt agus mé shlogadh siar.

Bhí an cailín an-chineálta: 'Ná bac leis, is fearr a bheith cinnte - níor thug éinne eile faoi dheara é ach an oiread'.

Níor ísligh a focail mo náire.

Foclóir

botún náireach = embarrassing mistake

macalla = echo

aláram deataigh = smoke alarm

léibheann = landing

claonadh amach = lean out

ní smaoineamh maith é = not a good idea

guagach = wobbly

béaldorais = next door

scaoil sé = he discharged

sruth iarmharaigh = residual current

Briogáid Dóiteáin = Fire Brigade

soghonta = vulnerable

ag tochas a cinn = scratching her head

ciontóir = guilty thing

faic na fríde = nothing at all

ach an oiread = either