Séadna, an t-Athair Peadar Ua Laoghaire

Tús scéil Shéadna

Caibidil 1

Séadna ar an mbóthar

0:00

Gréasaí ab ea Séadna. Bhí tigín ceann tuí, a thóg sé féin, aige.

Bhí trí rudaí aige go raibh sé an-bhródúil astu: a chathaoir shúgáin, a rinne sé féin, mála mine ag crochadh cois tine, agus a chrann úll.

Nuair a bhíodh obair an lae críochnaithe aige shuífeadh sé  ina chathaoir cois tine ar a shástacht. Nuair a bhí ocras air thógadh sé lán a dhoirn as an mála mine, agus nuair a bhí tart air ag cogaint na mine chuireadh sé a lámh sa chrann úll agus thógadh sé úll blasta.

Ní raibh fear riamh comh sásta áthasach ná Séadna.

Lá dá raibh sé ag obair thug sé fé ndeara nach raibh a thuilleadh leathair aige, ná a thuilleadh snáithe ná a thuilleadh céarach aige. Bheadh air dul go Mágh Chruma. Ní raibh ina phóca ach trí scilling.

Ar an mbóthair siar go Magh Chruma bhuail sé le leanbh álainn:

'In ainm Dé, a Shéadna, tabhair dom rud éigin le n-ithe tá mé ag fáil bháis leis an t-ocras!'

'Ó, a leanbh bocht, níl rud ar bith agam le n-ithe, ach seo dhuit scilling, agus cheannaigh rud le n-ithe duit féin.'

'A Shéadna, tá rud mór déanta agat ar son Dé agus geobhaidh tú luach.'

D'imigh an leanbh as radharc.

Ní raibh ach achar ghearr siúlta aige nuair a thug sé fé ndeara bean álainn cosnochtaithe:  

'In ainm Dé, a Shéadna, tabhair dom rud éigin le n-ithe tá mé ag fáil bháis leis an t-ocras!'

'Ó, a bhean uasal, níl rud ar bith agam le n-ithe, ach seo dhuit scilling, agus cheannaigh rud le n-ithe duit féin.'

'A Shéadna, tá rud mór déanta agat ar son Dé agus geobhaidh tú luach.'

D'imigh an bhean as radharc.

Achar ghearr eile ar thaobh an bhóthair bhí seanfhear:

'In ainm Dé, a Shéadna, tabhair dom rud éigin le n-ithe tá mé ag fáil bháis leis an t-ocras!'

'Tóg mo scilling dheireannach agus cheannaigh rud éigin le n-ithe duit féin.'

'A Shéadna, tá rud mór déanta agat ar son Dé agus geobhaidh tú luach.'

D'imigh seisean as radharc.

Foclóir

gréasaí (bróg) = cobbler

ceann tuí = thatched

súgán = straw plait

min = oatmeal

snáth = thread(hemp)

céir = wax

cosnochtaithe = barefoot

fé ndeara = faoi dheara = noticed

imigh as radharc = disappear

Luach = reward

achar ghearr = a short distance